പസഫിക് സമുദ്രത്തില് പാപുവാ ന്യൂ ഗിനിയയുടെ ഭാഗമായ മുസാവു ദ്വീപില് പത്തു ലക്ഷം വര്ഷത്തിലേറെയായി ഉണ്ടായിരുന്നതും എന്നാല് കണ്ടെത്താതിരുന്നതുമായ ഭീമന് പല്ലി വര്ഗ്ഗത്തെ കണ്ടെത്തി. 'വരാനസ് സെമോട്ടസ് (Varanus semotus)' എന്ന് പേരിട്ട ഇഴജന്തുവിന്റെ വിവരങ്ങള് 'സൂകിസ്' ജേണലില് പ്രസിദ്ധീകരിച്ചിട്ടുണ്ട്. മൂന്നടി നീളത്തില് വളരുന്ന ഈ ജീവിക്ക് മഞ്ഞയും ഓറഞ്ചും നിറത്തില് പുള്ളികളുള്ള കറുത്ത ശരീരവും മഞ്ഞ നിറമുള്ള നാക്കുമുണ്ട്.
