കേരളത്തില്‍ നിന്നൊരു പുതിയ തവള - പാറമാക്രി

പശ്ചിമഘട്ടത്തില്‍ നിന്ന് പുതിയ രണ്ടിനം തവളകളെ ഗവേഷകര്‍ തിരിച്ചറിഞ്ഞു. കേരളത്തില്‍ നിന്ന് തിരിച്ചറിഞ്ഞ തവളയ്ക്ക് മലയാളനാമമാണ് നല്കിയിരിക്കുന്നത്. - ഇന്ദിറാണ പാറമാക്രി (Indirana paramakri). കര്‍ണ്ണാടകത്തില്‍ നിന്നാണ് മറ്റൊരു തവളയെ കണ്ടെത്തിയത്. ഇന്ദിറാണ ഭദ്രായ് എന്നാണ് അതിനിട്ടിരിക്കുന്ന ശാസ്ത്രനാമം. ഇന്ദിറാണ ജനുസ്സില്‍ ഇതിനകം ഒട്ടേറെ തവളകളെ കണ്ടെത്തിയിട്ടുണ്ട്.

ഇന്ദിറാണ പാറമാക്രി. ചിത്രം കടപ്പാട് - സത്യഭാമ ദാസ് ബിജു

ഇന്ദിറാണ ഭദ്രായ്. ചിത്രം കടപ്പാട് - സത്യഭാമ ദാസ് ബിജു

രോഗങ്ങളെ ഹാക്ക് ചെയ്യാന്‍ കോശഭൂപടം വരുന്നു.......

മനുഷ്യകോശഭൂപടം തയ്യാറാക്കാനും അത് ലോകമെങ്ങും സൗജന്യമായി എത്തിക്കാനും തീരുമാനമായി. മാനവജീനോം പദ്ധതിയുടെ പിന്‍തുടര്‍ച്ച എന്ന രീതിയിലാണ് പുതിയ പദ്ധതി നടപ്പിലാക്കുന്നത്. ശരീരത്തിന്റെ രോഗങ്ങള്‍ കണ്ടെത്താനും അതിന്റെ ചികിത്സക്കും ഇത് വളരെയേറെ പ്രയോജനം ചെയ്യുമെന്ന് വിശ്വസിക്കുന്നു. മനുഷ്യശരീരത്തില്‍ ഏതാണ്ട് 30 ലക്ഷം കോടി കോശങ്ങളുണ്ട്. ഇവ ഏതാണ്ട് 200 തരത്തിലധികം വരും. നമ്മുടെ മുഴുവന്‍ കോശങ്ങളേയും ഗൂഗിള്‍ മാപ്സ് പോലെ രൂപപ്പെടുത്തുക എന്നതാണ് കോശഭൂപടം കൊണ്ട് ഉദ്ദേശിക്കുന്നത്.