രോഗങ്ങളെ ഹാക്ക് ചെയ്യാന്‍ കോശഭൂപടം വരുന്നു.......

മനുഷ്യകോശഭൂപടം തയ്യാറാക്കാനും അത് ലോകമെങ്ങും സൗജന്യമായി എത്തിക്കാനും തീരുമാനമായി. മാനവജീനോം പദ്ധതിയുടെ പിന്‍തുടര്‍ച്ച എന്ന രീതിയിലാണ് പുതിയ പദ്ധതി നടപ്പിലാക്കുന്നത്. ശരീരത്തിന്റെ രോഗങ്ങള്‍ കണ്ടെത്താനും അതിന്റെ ചികിത്സക്കും ഇത് വളരെയേറെ പ്രയോജനം ചെയ്യുമെന്ന് വിശ്വസിക്കുന്നു. മനുഷ്യശരീരത്തില്‍ ഏതാണ്ട് 30 ലക്ഷം കോടി കോശങ്ങളുണ്ട്. ഇവ ഏതാണ്ട് 200 തരത്തിലധികം വരും. നമ്മുടെ മുഴുവന്‍ കോശങ്ങളേയും ഗൂഗിള്‍ മാപ്സ് പോലെ രൂപപ്പെടുത്തുക എന്നതാണ് കോശഭൂപടം കൊണ്ട് ഉദ്ദേശിക്കുന്നത്.